Feliz Navidad

Liebi Leserschaft (jetz sinds ja meh als 2 lüüt=) )
Fröhlichi wienacht a ali, egal woner grad sind, öbs summer oder winter isch! Die wo dihei, ide schöne schwiiz sind: gnüssed di echte tanneboim, de schnee, euri familie, d tradition, d guetzli=) die wo au grad es uustuuschjahr mached: Gnüsseds au, wel s nächscht jahr simmer wider dihei! "Sisch nöd schlechter, nöd besser, eifach andersch" (afs het scho tolli sprüch).
Ich hoff ier entspannend oi ali guet ide ferie und möged den im januar no durd huustüür trotz de praliné und (i mim fall) em turrón, und das s noie jahr ganz vil schöni sache mit sich bringt! Wünsche allne ganz guets wetter und vil schnee, daser chönd go schiifare (ich ga im januar id pyrenäe, juhuuu!)
Vilicht chunt de iitrag chli früe, aber ich ha nachher kei ziit meh=)
Feliz Navidad, feliz navidad, lalala...
Ganz vil liebi grüess, Malin

Puente

Hola zäme,
es isch grad sunntig abig und ich bi erholt und überfresse vom camping heicho. Ha sitem dunschtig kei schuel gha, mir sind also is camping, und da mer im camping nüt anders macht als spaziere, esse (i gschämigem uusmass) und schlafe (ebefalls i gschämigem uusmass) fühl ich mich grad nöd sehr fit. Mir hend am samschtig geburtstagsfescht vo minere gaschtschwöschter gha, und sisch sehr luut und spanisch gsi... Ich finds amig sehr amüsant. Es isch allgemeinbekannt das Valencianer ales mit brot essed, sich sozsäge us alem es sandwich mached, aber ich ha das wuchenend sache gseh woni nie denkt het dasi das mus erlebe: mini eint gastgrostante het sich iri medikament (!!!!!) ines brot ta, e anderi verwandti het im ernscht de guss vom chueche abkratzt und den als sandwich gässe, etc... Oh ja, und mi tía Maruja het nüssli vom tisch gstole und i iri brusttäsche taa, was au niemer gmerkt het:D Wo sich de samstig den em endi zuegneigt het und ali gnueg whiskey und wii und aigua de valència gha hend het mini gaschtgrosmueter no aagfange öpis moulin rouge-ähnlichs vorztanze, mit sehr vil hüftschwung, und schlussendlich mit em bäbi vom baby aagfange chaschperlitheater zspile (e obszöni version devoo) und churz gseit, ich ha mich nonig erholt. Irgendwenn chömed no föteli.
Jetz hemmer no 2 wuche schuel und ehrlich gseit hani langsam gnueg devo, ich finds am schönschte weni mit de familie cha sii und rede. Ich fang langsam aa, valenciano zrede, ich würs eifach gern mal mit grammatik und so chli richtig zrede, demit ichs bis im summer den cha. Aixinaaaaaa=)
Ich ha allne no wele danke wo mir es päckli gschickt hend, ich bi sehr sehr glücklich wens öpis für mich im briefchaschte het=) (s het amig 5 brief für mich und 2 werbige für mini gaschtfamilie, aber gliich..)
Also, ich sött mis zimmer go uufruume, mini gaschtmueter ischt mer scho mit zimli bluetige drohige cho (te corto el cuello hija mía!)
Besitos!

Mi vida

Hola,
Danke für di diverse Glückwünsch, und danke im voruus fürd päckli wo irgendwenn aachömed.
Mir gats grad u guet, ha hüt spanischkurs gha. Ha einzelstunde, wel d Lehrerin mich ufs DELE superior vorbereitet. Oha. Ich ha chopfweh gha nacher, das züüg isch u schwer, aber si meint ich schaffs bis im mai.
Am Samstig bini mit AFS ide Ciudad de las Artes y de las Ciencias gsi, das isch soooo iidrücklich! (ha foti ufeglade, aber uf de foti isches natürli nie so cool). Ich will nomal ga! Wel sooo vil hemmer jetz au nöd gseh.
Denn isch am sunntig no d Taufi gsi vo de Letizia, das heisst ich ha müse am 7ni uufstah zum 140 Bocadillos striiche... Und mir essed sit em mäntig reste.
Also, ich sött is bett vor ich vor übermüedig stirb xD
Besitos, Malin

Mi cumple

Juhuu, ich bi 16ni! Endlich nüme es baby! Has hüt u guet gha, bi mit mine spanische "chicas" öpis go trinke und nachher go pasear, und zu mim grosse erstuune hani vil gschenkli übercho! Vo de gastfamilie: ohrering und schminkchäschtli, Pili y Laura: Plüschbär, de herzigst brief vo de welt, und e chlini agenda, vo mine eltere en riiiiiiise bluemestruuss=) , vonere düütsche frau wo mit mir in spanischkurs gange isch en chueche, wo felicidades malin drufstat (!!!) und denn vo allne email und sms!! Merci a ali wo a mich denkt hend!
Ich ha jetzt d klass gwechslet, bi im cientifico, s gfallt mer vil vil besser, d lüüt sind netter... Und für die wos nonig wüssed, ich bliib ganz definitiv z picassent.
Ich versprich dases bis am sunntig wird foti haa, ich gang am friitig mit de chicas go esse, am samschtig gani id ciudad de las artes y las ciencias mit AFS und am sunntig wird d letizia tauft, das heisst ich ha zimli s volle programm xD
Besitos!

Wii, Turron y Xativa

Geschter simmer mit AFS e Bodega go aaluege, es huus wo wii hergschtellt wird. Ich weiss jetz s düütsche wort nöd... Ich has u cool gfunde, mir hend glernt wimer cha usefinde öb de wii imne fass glageret worde isch oder nöd, wi alt er ungfähr isch, nach was er schmöckt, etc... Totally wap! Nachher hemmer dete gässe und zum dessert hets Turrón gä! Ich lieb das züüg! Denn geg de abig simmer uf Xàtiva, es dorf wo defür berüemt isch dases schön isch, und das isches würkli, überall chlini plazas mit brunne und so, und engi gässli wo praktisch ali zur chile füered. Und d chile isch u schön, aber mir hend nöd inedörfe, was mich sehr amüsiert het.
Ha leider de fotiapparat vergesse, aber ich chum sicher no foti über, und denn gits wider mal bilder=)
Bis bald!

Drama Drama

Hola,
das isch jetz e öffetnlichi entschuldigung a ali, wonich mit mine problem zuegschnurret han. Es tut mer mega leid, und ich chönt mich selber ohrfiige dasi mi so inegschteigeret han i die situation. Ich wird versueche, de kontakt hei zreduziere, s tuet mer eifach nöd guet.
Jetz zu dem wo da so passiert: Am 12te het mini Gaschtmueter geburtstag gha, was aber überhaupt nöd gfiiret worde isch, iri eint tochter hetere vergesse zgratuliere :-o ... Am Samschtig gani mit AFS zunere Bodega go luege wis wii mached und so.. Froi mi. Und öpis wo da luschtig isch: Da isch de unglücklich tag ziischtig, de 13, und nöd friitig! Het mi u gwunderet...
Uf jedefall, es gat mer wider guet, mached oi kei sorge und nemed mich nöd ernscht=P
Besazo, Malin

ps Eben, (late) happy birthday! I cant quite remember when it was, but sometime around the 11 no?

Wichtigi Mitteilig

Hallo allersiits (ich liebe das wort)
für die wos nonig wüssed oder s vergesse hend: am 21.11 hanich geburtstag!
Okee, das isch di wichtig mitteilig xi:-D
Ich warte immer no uf info vo afs, ich will da endli use und noi aafange... Aber nöd so tragisch.
Ich vermisse mini Familie, mini "gang" (haha ich finds luschtig dasich e gang han) und sowiso di ganz schwiiz... Herbst isch so e schöni jahresziit, und jetz chunt den no wiehnachte.... I miss you guys!
Aso ich sött ga vori im sumpf vo de sentimentalität versinke. Merci fürd kommentär, und schriibed mer=)
Besos

Kuriositäte

Hey zäme!
Aso, ich ha denkt, ich tüg wider mal da drii schriibe, obwohl ich zur ziit gnueg anderi problem han. Hehe, ich ha denkt ich laa mich mal über di kuriose sache uus wo da ganz normal sind (merci julia fürd idee=)) oder über beobachtige woni da gmacht ha.

- Spanier essed ALLES mit brot! Pommes frites, tortilla, fleisch, gmües, chips, eifach ales wo uf dim teller isch wird zum sandwich umfunktioniert und so gässe.
- Spanier trinked wii us de fläsche oder im wasserglas, uf jedefall hani bis jetz keis wiiglas wiit und breit xe.
- Spanierinne hassed rege, wel ali sich d haar glettet, und wen den es tröpfli vom himmel gheit renned ali panisch ume und kreisched hysterisch: "Mi pelo, ay dios, mi pelo!" (mini haar, o gott, mini haar)
- Di meischte spanier seged weder bitte no danke wenns nöd umbedingt mus sii. Und hend au keis problem mit wüeschte wörter.
- Spanier bruuched en halbe liter oliveöl am tag, ken witz.
- Wend dich da wetsch umbringe, trink hahnewasser usem WC/Bad. Das stinkt so nach chlor das es normals schwiizer hallebad wied quelle vo Evian wirkt.
- Buebe da hend extrem schlechti Coiffeur und/oder en fragwürdige gschmack.
- Spanier chönd eifach kei englisch. Eclint Easbod? Aaaaaaa! Clint Eastwood!

Aso das wärs für hüt. Ich gang mich wider mim tragische lebe widme^^
grüässli a ali!

Amigos

Hola!
Ha eifach churz wele demonstriere dasi doch öpis kollege-ähnlichs han... (Ok ich gibs zue ich kenn die lüüt nöd, ich ha jedem 10 euro zalt demits mit mir es foti mached...) Jaja. Am fritig abig bini mit de Lakritz-Julia (e düütschi wo imne andere dörfli ide nöchi wont, au vo afs, si het immer lakritze debii) uf valencia go käfele=) Ich widme mich neuerdings au em schriibe vo liebesgedicht uf spanisch, aber ich glaub die karriere isch nöd so für mich ("tio, eres superchulo, y me encanta tu culo" isch halt nöd so s wahre, gäll cele) Ich ha no allne wele fürd kommentär danke! Also me voy!

Min Fisch

Jawoll, ich ha jetzt en Fisch. Si heisst Maria Consuelo de la Encarnación, wel di lange dramatische katholische spanische näme eifach luschtig sind=) Aso ich ha zersch natürli mini Gaschteltere um erlaubnis gfrögt. Den bini heicho und den seit mini gaschtmueter: Wen er stirbt bisch den du gschuld! Okaaay... Mis Goldfischglas isch zimli chli, wel mini gaschtmueter mich nöd laat s grosse im zimmer ha. Jetz hani halt das uu chline, und min fisch tuet mer leid. Mal luege öbi mer nöd eifach es grosses chaufe. Bi zwar pleite, wel AFS mir s geld vo de schuelbüecher nonig gschickt het, aber gliich...
Ach so, ich ha ja eigentli wele de Julia zum geburtstag gratuliere: Happy Birthday Guapa!!! S Päckli chunt den no!
Also mini liebe, bin jetz das wuchenend nüme erreichbar... Muahahaha!

Ich froi mich scho...

...ufs AFS-treffe womer das Wuchenend hend! Juhuuuuuui! Also, de Iitrag machich hauptsächlich weg de cele (isches nöd e ehr i mim blog erwähnt z werde?) wel si gfunde het, ich söll. Und da ich en schwache charakter han, machich immer was d lüüt mir seged. Mini Problem hani behobe, wel ich en super afs-götti han, und ich chum au langsam us minere "spanie isch blöd"-phase use. Defür bini jetz id "Schwarze Kafi trink, Gedicht schriib und Operemusig los"-phase cho, was zimli amüsant isch. Naja, gnueg vo de Phase. Da passiert nöd würkli wahnsinnig vil (nach wi vor), aber wenigschtens fangi nöd zmits ide Philosophie fasch a brüele. Ich bi mich hüt ide Apothek go wäge (mini Familie het kei Waag) und ich ha abgno! Was für en uustuuschschüeler binich?
Ich hoff oi gats allne guet, froi mi über poscht, email, was au immer,
besos, malin

Problemitas

Holas,
mir gats grad nöd so guet, bi wider mal zvil am denke. S gfallt mer da zwar scho recht guet, vor allem min Gaschtpapi isch genial, aber s het e paar sache wonich mich mus draa gwöne. Das wuchenend simmer, wie immer, is camping gange. Det bini fascht in ohnmacht gheit (zimli luschtig xi, nüt schlimms) und den hemmer am sunntig doch tatsächlich vom 14.20 bis am 18.00 zmittag gässe. Im ernscht. Und sisch zimli luschtig, d lüüt schlafed am tisch ii, telefoniered mit kolege, etc, eifach ales am tisch und am esse. Ich hoff ich cha denn weni zrugg chum paella und tortilla mache, wel sisch würkli uu fein, und ich ha aso au scho zuegno obwohl ich 3 oder 4 mal ide wuche ga go jogge.
Ja, s lebe da isch nöd würkli sehr spannend, tuet mer leid.
Vermisse d schwiiz, herbschtwetter, selbergmachts brot, min hund, schoggi... d lischte isch endlos. Hoffe ich ha mich morn wider gfange.
Besos a todos, ich froi mich über kommentär!

Toros

Hola gente,
mir hend jetz grad puente, das heisst am ziischtig isch fiesta, drum hemmer mäntig grad au no frei. Die 4 täg gits Toros, das heisst s git öpe 5 chüe und 1 stier wo dur d strasse laufed, und s het so chäfig-ähnlichi chäschte wo d lüüt sich chönd in sicherheit bringe. Mir gfalts uu, mer staht uf de strass und trinkt und schwätzt, und denn all halb stund renned plötzli alli panisch i de gegend ume und zwänged sich i die gitterchäschte am strasserand ine. Und ali versueched natürli de toro z reize, schüüssed em cocibüchse aa (isch nöd erlaubt, aber hey, mir sind z spanie) oder schreied ume. Ich amüsier mich zimli. Ich ha d schwöschter vo mim gaschtvater troffe, die het e düütschi uustuuschschüelerin bi sich, wo bis wiehnachte bliibt, ha mi u gfroit. Und s heb zimli vil (düütschi) uustuuschschüeler, nur hani die bis jetz nonig troffe. Morn gani mit em luis, de carmen-madre und de anne sophie (mini düütsch "gaschtcousine", kei ahnig wie si sich schriibt) an hafe vo valencia. Und zum zmorge gits churros con chocolate (sisch sunntig) gott sei dank hani churros ohni chocolate lieber, den gani vilicht nöd uuf wines ofechüechli. Haha, jede wo schomal churros gässe het weiss das mit oder oni schoggi eh nöd so e rolle spilt, dick wirsch gliich:-) naja.
Mit mim spanisch gats zimli vorwärts, nur weli hüt und geschter zimli vil düütsch gredt han hani jetz chli problem. Aber ich cha scho kuul slang-haft schriibe (y xq no as vnido a mi ksa? -> y porqué no has venido a mi casa?) und flueche (jolines! jeje...) Ok, es isch jetz halbi 3. Und ich mus am 10ni uufstah.
Besos

PS Liebs 5a, schöni herbschtferie! Franca, schriib mer wider mal, porfa! Und julia, was willsch zum geburtstag? And lynnie, your spanish is awesome!!!
PPS s het noi bilder... http://picasaweb.google.com/malininspain

Seguro que volveraaas

Hoi zäme,
ich ha gfunde ich schriib wider mal öpis da ine.. Es gaht mer zimli guet, ha da scho einigermasse gueti kollege, aso lüüt wo nöd nur mit mir reded wel ich ustuuschschüeler bin, und wod frage über: Y que se habla en suiza? usegönd... Isch no cool. Mit minere Gaschtmueter gats wider besser, ich glaub si het eifach chli en charakter wo schwirig isch. Jaja. Das Wuchenend wo chunt bini vilicht mit de Martha elei dihei, wil mini Gaschteltere weg gönd:-)
Ah ja, für die wos nonig wüssed, da mal mini ganz Gaschtfamilie: Luis, Gaschtpapi y Carmen, Gaschtmami, si hend 2 töchtere Martha, 26 und Carmen, 20. D Martha het es Baby (2 Monet, jöö!) und den hends no en hund (wo chüssi vergwaltiget) wo Lino heisst. Am 19 Oktober hani mis erschte Local-treffe vo AFS, ich froi mi scho uu:-) den xehni 2 Schwiizer:-) (s Oschtküschte grüppli)
Hasta luego!

Ps für die wo wend wüsse was für musig da in isch: Reggaeton, El Canto del Loco, RBD, Alex Ubago, La Oreja de Van Gogh und Jarabe de Palo. Und, zu mim grosse Ekel, Tokio Hotel. Oh ja, si verfolged mich. Wäääh.

The gay dude at the beach

Buenas!
Mir sind das wuchenend wider im camping xi, und sisch wider voll cool xi: Ich ha mini erschte schnegge (caracoles) gässe (nei sisch nöd grusig, s schmöckt würkli nach nüt!) und ich ha e prägendi begegnig mit emne schwule gha: Ich bi elei am strand go jogge, und nacher mir go d füess wäsche, wo en ca. 40jährige maa aafangt mit mir schwätze, so vo wege öb ich au nöd vo da seg, er seg vo barça etc... Er isch sehr sehr offesichtlich schwul xi (engi hotpants (enger & chürzer als die vom benz), en buuchfreis liibli und rasierti bei, und wi de gloffe isch:-D ) Naja, uf jedefall simmer den zäme füregloffe, und er het den gfunde, er weli doch no schnell go bade ich sölli uf sin rucksack uufpasse. Ich, als wohlerzogene, höfliche mensch has natürli gmacht. Woner den zruggcho isch seit er: Vamos a tomar el sol un poquito, vale? (Chum mir liged no chli id sunne, so circa übersetzt) und entblösst sich vollständig. Ich bi natürli total gschockt, seg aber nüt (wohlerzoge, höflich). Denn, nach „cinco minutitos“ stömmer uuf, und laufed wiiter, em hauptweg entlang, er blut nebed mir, und ich seg nur, nunca más si lo puedo evitar, nie meh. Ich ha mich glaub no nie do unwohl gfühlt. Und denn hani halt so ta, als heb mir mini gaschtmueter aaglüte, und bi gflüchtet. Zrugg im Camping denn hani minere Gaschtfamilie devo verzellt, und si hends extrem luschtig gfunde.
Ok, das wär s schtruubschte (para ti, sämi!) erlebnis bis jetzt:-)
Hasta luego!

El Fin de Semana

Buenas,
Das Wuchenend bini im Camping vo minere Gaschtfamilie xi, me encanta! Es isch so chli wie en campingplatz, nur hend ali hüüsli det statt wohnwage. Und 5 minute devo weg ischs meer. De Luis, d Carmen (mini Gaschtschwöschter) und ire fründ und ich sind an strand go dracheflüüge, mega luschtig xi. Und vorher bini mit em luis go jogge (er mit em velöli) und ich ha also 75 minute dureghebet!!! Also, ich sött hüt chli früener go schlafe (die lüüt verstönds konzept vo früe go schlafe nöd:-) )

Also, lueged mal bi de föteli naa: http://picasaweb.google.com/malininspain/Campiiing

Besos para todos!

Schuel oder Malin, s Mathigenie

Hola!
Ich bi hüt zum erschte mal ide schuel xi. Ich ha:
Französisch
Historia del Mundo Contemporaneo (Gschicht, Kunstgschicht)
Valenciano
Castellano
Latiin
Englisch
Philosophie
Sport
A.A.R (Für die paar lüüt wo nöd katholisch sind und drum nöd id Religion gönd, mer macht glaub eifach nüt)

OK. Das söll jetz nöd arrogant tön, aber s schuelische niveau isch da extrem tüüf, madre mia.So als biischpil: Ich, s mathi-anti-genie, ha mich i mathi glangwiilt welich ales ha chöne!!! (Ich bin di noi Lynn... Oder besser, s wiibliche gegstück zum eben :-P ) Im Fach castellano hemmer den irgendwie vo Nazis gredet, und denn het eini gfunde, s hakechrüüz seg d underschrift vom hitler:-D (falls das sött stimme, bitte mit glaubwürdiger Quelle melde!) und mini franz-klass het sit 4 jahr französisch und cha nöd bis 20 zele! Ich bi chli gschockt xii.
Was mi chli erstuunt het isch das mich niemer irgendwie uusgfrögt het oder so, ich rede praktisch nie, nur mit de pilar und de laura (2 kolegine wo im gliiche huus wi ich woned). AFS seit immer "ja, ier münd denn luege, i de schuel frögeds oi uus, ier sind denn e rarität, etc." Ich ha nüt devo gmerkt. Naja. Bi mer halt anders gwönt vo de schwiiz, aber als uustuuschschüeler isch mer ja aapassigsfähig.
Ich wünsche em 5a e schöni arbetswuche (trotz... ähm. Ier wüssed was ich meine. oder besser wer ich meine.) Und allne andere wünschich eifach so e schöni wuche. Welich so en liebe mensch bin.
Übrigens: cele, kayla, merci fürd kommentär!
Besos, Malííííín

ps: link zu bilder:
http://picasaweb.google.com/malininspain/SpanieReis
http://picasaweb.google.com/malininspain/ErschtiFotis

Es Foti

Dem seit mer Multitasking:-) (ps: ich tue no meh druf sobald ich han)
Madre mía (ich liebe spanischi uusdrück), geschter hets uuu fescht gregnet, d strasse zu de andere dörfer sind gsperrt xi, lüüt sind verschwunde (z andalucia, isch im fernseh cho:-P) und ja. Es riise chaos.
Hüt gömmer uf Ibi, kei ahnig wo das isch, aber det wont de carmen ire novio, und ich glaub, si hend det fiestas oder so.
Ich vermiss oi!

Glace & Horrorfilm

Holas!
Mir gats super (ich chum chli wenig mails über), ich isse am abig am 12i erdbeerglace und luege horrorfilm:-D It's a good life... Und Hüt bini id schuel zum mich aamelde, si isch uu schön, d lüüt sind, vo dem wasi ha chöne feststelle, au schön (jeje), und nett au...
Bald chömed föteli! (freued oi nöd z fescht)
Besoooooooooos

En España

Holas!
Aquí, was sich i de erschte paar täg abgschpilt het. Nach de akunft z madrid simmer 2 stund id pampas usegfahre zu sonere albergue wo chli komisch xi isch (un poquito sucio, jeje), d afs-lüüt hend nie mit ois gredt, nur eimal, 15 minute oder so. Chli inútl xi, s ganze. Am Samschtig simmer denn 4 stund mit em car uf valencia abe, s het glaub 4 oder 5 lüt wo au z valencia sind. Am carbahnhof het mich min evtl-tutór, de álvaro abgholt, er isch recht nett. Er het mich den uf picasent bracht, wo mich d hermana vo mim gaschtmami abgholt het, und het mich zum huus vo de gaschtgrosseltere bracht. D abuela isch uu herzig, y al abuelo le gusta ver el futbol :-) Denn simmer go d fiestas aluege, e uuuuu langi procesion, wonich den praktisch di ganz familie xe han. Nach de procesion het mich mini gaschtfamilie abgholt und denn simmer hei. Ich ha mis eigete zimmer, chliner als ide schwiiz, aber herzig. Hüt isch d carmen-hermana vo irland heicho, si isch u nett, wid martha au.
Also, ich sött ga.

En Tipp

Ok, ich ha eigentlich überhaupt kei Ziit zum "blogge", aber ich machs trotzdem, zum ali arme arme zuekünftige Uustuuschschüeler warne: Fanged nöd erscht am zweitleschte tag aa eures Zimmer uufruume! Es isch en riisige stress, es nervt alli (NEI, malin, ich will de pinki plastik buddha nöd, und dini komische playdough überreschte no weniger.) aber wenigschtens bini zimli packt, und das under de 20 kilo grenze *stolz* Also, ich sött jetzt de plastik buddha go wegschmeisse.

Mis Abschiidsfäschtli

Hey mini liebe,
Ich has u schön gfunde, sinder cho! Merci vilmal fürd gschenkli, si sind sooooo kuul, ich hoff ich ha no platz im Koffer...
Ich wird oi ali u vermisse =(
ps weners föteli nöd drine wend, säge:)

Mi Familia

Juhuuu, ich ha hüt mit minere Familie telefoniert und chattet! Also, mini eint Gaschtschwöschter, d Martha, het e Tochter wo hüt 20 täg alt isch! Jööööö! Und si wont 2 Strasse wiiter. Die ander, d Carmen, wont no dihei. Si hend en Hund, und s Meer isch 20 km weg. *froi* Si töned u nett!
Besitos para todos (das hani hüt ca. 7x ghört :-) )
adeu (adiós uf valenciano)


ah ja: s rote pünktli isch Picassent

Gaschtfamilie!!!

Ja, hüt isch de historisch tag! Ich ha mini Gaschtfamilie übercho! Ich chume id nöchi vo Valencia, uf Picassent, das heisst: d malin lernt catalan! Ich ha 2 Gaschtschwöschtere, Carmen und MArtha, wo 20 und 25 sind (ungfähr) und en Hund. Mini Eltere heissed Luís und Carmen. Ich bin irgendwie no chli gschockt. Aber ich froi mi scho:-)

No 16 Täg

Hallo zäme,
ich bi jetzt also zrugg ide schuel. So halbe jedefalls. Und hüt isch d schpange usecho! *juhuuui* Susch isches ener chli tragisch und so, wel ich ha immer no kei Gaschtfamilie. Tuet mer leid dasi keis spannenders lebe han;-)

Immer no nüt

Hola,
ich bi endli zrugg in Züri, aber ich ha immer no kei gaschtfamilie und langsam stressts mich chli, wel sovil ich weiss het no niemer wo mit afs schwiiz uf schpanie gat öpis. Und das nu no ca. 25 täg gat, sind d chance eher gring das afs i dere ziit für 6 lüüt familie findet. (Ah ja, Cele: Merci fürs säge das welcome families nöd schlimm sind=) ) Tja, da mis lebe im moment ener unspannend isch und ich nüt z verzelle han gang ich jetz go schlafe.
Liebi grüess, malin
ps: Ich ha no wele erwähne das de blog uusschliesslich defür da isch, das ich cha ziit vorem compi verbringe und ier so tue chönd, als interessieris oi brennend =)

Kooomisch

Scho mal im voruus: sorry, mir isch langwilig xi:-)
Ok, es tönt extrem chrank, aber ich froi mich uf s endi vo de ferie... Im moment froi ich mich meeeega uf schpanie, bi gar nöd truurig dasi oi kuule schwiizer zrugglaa mues, aber ich denk, das chunt denn scho no... Es nervt mich uu dasi nonig weiss, was für e gaschtfamilie ich wird ha, so chani gar kei gschenkli oder so chaufe (wie gern ich gschenkli chauf... *vertroimt in himmel lueg* ) Sisch extrem komisch, vor 2 wuche isch mis uustuuschjahr no wiit wiit weg xi, jetz ischs scho vil nöcher, s gaht no ca 6 wuche... Und wen mer sich das überleit, isch das gar nöd lang... Hüt bini wider mal eifrigscht zum briefchaschte grennt, aber sisch ja sunntig. Ich ha sunntig definitiv nüme gern. Hach, tragische verluscht vomne lieblingstag...
lg malin

Hui, es föteli

Ok, ha denkt, ich müs das mal uusprobiere mit em föteli ufelade, gaht ja no guet! *schtuun* sisch glaub überflüssig, mich über d nonexischtenz vonere gaschtfamilie uufzrege. Tut mer leid das e paar lüüt drunder liided (gäll, franca;-)) Was i no ha wele säge: Ich ha endli min eigete compi!!! Aso, das wärs für hüt, mus nämli no go di doof segelprüefig mache (juhuuui, ich cha pirat werde! Weni beschtan. Ich hoffes mal...) liebi grüess vo eurem schlimmschte albtraum (oder so... s wär ja schön es cools image zha;-) )

Brief...

Hallo, liebi leserschaft (die beschränkt sich uf ca. 2 lüüt, a dem musi no schaffe)
Ich mus wider emal mit üsserschter enttüüschig feststelle, das di erwünscht poscht vo afs nonig aacho isch. Aber, ich als geduldige, optimistische mensch *snort* ha das chöne verchrafte.
Was ich hasse: Brief vo Afs wo öpis doofs, nutzloses drinschtat statt ere freudvolle verkündig, ich heb e gaschtfamilie...
Was ich liebe: Wind (mach ebe grad en Segelkurs, damit ich schpöter chan pirat werde :D )
wünsch oi allne no en schöne abig und es schöns wuchenend,
malin

min erste blog... woohoo :-P

Hey a ali,
wi ihr wahrschinli wüssed (susch wäreder chuum uf die siite cho), machi abem september es uustuuschjahr z schpanie.
Ich ha entschide, statt e homepage en "blog" zmache, wel ichs eifach eifacher find als masse-email etc... (mini homepage findi ebe fang chli komisch :-) ) Wel ich no kei gaschtfamilie han gits nonig würkli öpis interessants z brichte, aber ich hoffe, das chunt no...
lg, malin