Hola,
tut mer leid dasi en monet lang d existenz vo mim blog ignoriert han, er brucht sicher en psycholog...
Jetz isch scho juni, und ich ha langsam panikgfühl weni dra denk dasi i 5 wuche scho wider dihei bin...
Ich ha im moment ehrlich gseit kei lust, düütsch zghöre/zschribe/zrede, aber welich oi so gern han...:P
Im vergangene monet hani eigentlich nüt speziells gmacht, vil prüefige gha und so obwohl ich das ja wi fast ali uustuuschschüeler nöd allzu ernst nimm (was e relativ schlechti bezieig zwüsche mim philosophielehrer und mir zur folg het). Ha langsam aagfange, mich bi minere gastfamilie meh wines familiemitglied zfühle, was schön isch, aber au fiis welich ja bald wider gang, joder. Naja. Mer cha nöd ales ha. Ich uf jedefall nöd:P
Letscht wuchenend (oder vorletscht, no sé) hemmer afs-treffe gha, s letschte vor am definitive abschluss z madrid, und sisch zimli deprimierend gsi. Ha d lüüt extrem gern, und sisch halt scho voll truurig wend zum bispil e kollegin vo philipinas hesch und genau weisch das du in nöchster zuekunft nöd uf philipinas wirsch ga und das du die person erst i 30 jahr oder so widergseh wirsch, wen überhaupt. Doofi internationali fründschafte... Im lager simmer em unterschriib-mini-fahne-und-min-fächer-und-susch-ales-womer-cha-underschribe-wahn verfalle, recht amüsant gsi. Ja, susch isch eigentli nüt prägends passiert.
Ha hingege im monet wo chunt, aso juni, recht vil vor, verschideni geburtstagsfestli, denn gani mit mim gastbrüeder und sine kollege uf granada 4 täg, und nacher anes rockfestival oder so, mer weisses nöd so gnau. Am 20 hört für mich d schuel uuf, dh nacher leb ich basicamente s traumlebe, 17 täg sunne, strand und fiesta (abschlussfestliiii) vor ich den am 7 juli wider eidgenössische bode berüer.
Gsehn oi bald!
