Hola,
Danke für di diverse Glückwünsch, und danke im voruus fürd päckli wo irgendwenn aachömed.
Mir gats grad u guet, ha hüt spanischkurs gha. Ha einzelstunde, wel d Lehrerin mich ufs DELE superior vorbereitet. Oha. Ich ha chopfweh gha nacher, das züüg isch u schwer, aber si meint ich schaffs bis im mai.
Am Samstig bini mit AFS ide Ciudad de las Artes y de las Ciencias gsi, das isch soooo iidrücklich! (ha foti ufeglade, aber uf de foti isches natürli nie so cool). Ich will nomal ga! Wel sooo vil hemmer jetz au nöd gseh.
Denn isch am sunntig no d Taufi gsi vo de Letizia, das heisst ich ha müse am 7ni uufstah zum 140 Bocadillos striiche... Und mir essed sit em mäntig reste.
Also, ich sött is bett vor ich vor übermüedig stirb xD
Besitos, Malin
Abonnieren
Kommentare zum Post (Atom)
1 Kommentar:
hey du!
mich freuts das du schiinbar sehr vill wichtigi sache z'tue hesch i spanie, ich mach da au immer sache woni i de schwiiz nie devo traeumt het dasi si mal waehrend emene ustuschjahr wird mache (vo wege ich verschwende mini ziit i australie doch noed mit babysitte) aber eigentli ischs ja genau das wo dier am meiste so es ustuschschueler gfuehli fuer s'land git, falls das jetz igentwelche sinn fuer dich macht :P.
Liebi Gruessli, Julia
Kommentar veröffentlichen