Presentación de la reina

Hola,
scho wider en Monet vergange, und soo vil ziit bliibt mer nüme. Ich ha no knapp 2 monet, und eigentlich recht angscht vorem zruggcho... Ich fühl mich scho so spanisch, dasi nöd würkli weiss öbich no tauge zum schwiizerin sii.
Ich bin uu glücklich da ide neue Familie, ha scho u gueti Kollege gfunde ide schuel und mach u vil sache woni ide schiiz nie gmacht het (am sunntig ganich go fuessball luege.. Primera division=) )... Ich versuech eifach no die paar wuche z gnüüsse.
Hüt abig hani en Ball gha, weld Fescht vom Dorf offiziell aagfange hend und d Königin vo de Fescht vom Dorf (Regina de les Festes del Poble), wo ide schuel nebed mir sitzt, het di ganz klass iiglade zum ga. Isch de wichtigst dorf-event vom ganze jahr, mer chunt nur mit iiladig ine, etc... Ich bi sehr geehrt;) Naja, ich han öpe 5 stund im bad verbracht zum mich einigermasse präsentabel zmache demit kei schand uf mini gastfamilie fallt;) d mueter vonere Kollegin, wo coiffeuse isch, het mer d haar gmacht. Recht.. speziell worde jeje. Spanisch halt, mit 50000 spängeli und emne halbe liter haarlack.
Isch no luschtig gsi, zersch hets e riise prozession mit vilne rede gä, wi schön doch d fraue vo Almazora seged, und wid Königin di schönscht seg etc.. den sind d königin und iri dame uf d bühne ufe, den hets wider e endlosi prozession gäh wosere blueme bracht hend, und s publikum luegt zue und betrinkt sich mit gratischampagner. Am schluss gits no chli traditionelli Musig und so zum tanze, und den am 4i isch den langsam fertig.
Aso, ich bi tod. Buenas noches!