Hola a tots,
Prohibit burlar-se!!
molta gent de ací en Espanya me va demanar una dedicació en mi blog, per eixó estic ací intentant escriure en valencià. Ja sabeu que no és perfecte ni molt menys=) Bé, volía dir que estic molt a gust ací i que ja no vull anar-me a ma casa. Vaig trobar molta gent ací que estime moltísim. Graciès per a tot. Per el canvi de poble, ni ha gent sobre tot ací en Almassora que no conec massa, però seu molt simpatics! Ja nos coneixerem=) A les xiquets i les xiquetes de AFS: seu les millors! Recordeu que per a cada moment difícil ni ha uno magnífic. Estem ací per a disfrutar!
Bé, ja m'he cansat d'escriure eixina de chungo, mig castellà mig valencià... Quina vergonya=)
Besetes
Freitag, 11. April 2008
Vida nueva
Hola xiquets!
Ich ha jetz familie gwechslet, wels ide alte nüm gange isch. Ich bi jetz z Almassora, es Dorf ide nöchi vo Castellón, bide Familie vomne AFs-freiwillige (17) wo nächst jahr uf düütschland gat. Di neu schuel isch vil besser, s het vil sympatischeri lüüt. Hüt bini scho in uusgang iglade worde=) Mini neu familie isch u lieb und interessant, und ich bin u froh dases jetz ales so usecho isch. Ich danke allne wo mir zuegloset und mich uufgmunteret hend wos mer schlecht gange isch, ier hend mer mega ghulfe.
Ich bi gester mit mim gastbrüeder go renne, und es isch zimli peinlich gsi wel er triathlon macht und drum 5 km i 17 minute locker schafft, und ich chüüchend und fast sterbend hinedrii=) er het recht bald gfunde, ich söll eifach bis am schluss vode strass elei wiiterrenne, er chämi mich det cho hole. Naja. Poco a poco, ich wird scho in form cho=)
Ich cha susch leider recht wenig sache mache, wel s trimester scho aagfange het. Und jetz nu no 3 monet bliibed. Mann das deprimiert mich jetz das ich nur no 3 monet han zum mis neue glück gnüsse.. Aber egal, ich bi jetz duurglücklich. Ich ha letschthin en huufe brief abgschickt. Wener keine überchömed, und eine wänd, schriibed en kommentar hehe.
Mir gönd d sache uus zum schriibe.. Ah ja, ich los jetz fasch uusschliesslich La Fuga. Für die wo das interessiert.
Also, ich gang go jogge, dasmal oni Omar. Besos a tots!!
Mensajes a personas importantes: kook & coni: danke für de film, ich bi so geehrt!!
Eben: when you get my letter, tell me what you think about my plans for us!
Lynn: Sorry, it's only 16 pages...
Cele: ja, dasmal wirsch erwähnt=) Schick mer por favor das rezept! Und chum wider emal uf msn=)
Ich ha jetz familie gwechslet, wels ide alte nüm gange isch. Ich bi jetz z Almassora, es Dorf ide nöchi vo Castellón, bide Familie vomne AFs-freiwillige (17) wo nächst jahr uf düütschland gat. Di neu schuel isch vil besser, s het vil sympatischeri lüüt. Hüt bini scho in uusgang iglade worde=) Mini neu familie isch u lieb und interessant, und ich bin u froh dases jetz ales so usecho isch. Ich danke allne wo mir zuegloset und mich uufgmunteret hend wos mer schlecht gange isch, ier hend mer mega ghulfe.
Ich bi gester mit mim gastbrüeder go renne, und es isch zimli peinlich gsi wel er triathlon macht und drum 5 km i 17 minute locker schafft, und ich chüüchend und fast sterbend hinedrii=) er het recht bald gfunde, ich söll eifach bis am schluss vode strass elei wiiterrenne, er chämi mich det cho hole. Naja. Poco a poco, ich wird scho in form cho=)
Ich cha susch leider recht wenig sache mache, wel s trimester scho aagfange het. Und jetz nu no 3 monet bliibed. Mann das deprimiert mich jetz das ich nur no 3 monet han zum mis neue glück gnüsse.. Aber egal, ich bi jetz duurglücklich. Ich ha letschthin en huufe brief abgschickt. Wener keine überchömed, und eine wänd, schriibed en kommentar hehe.
Mir gönd d sache uus zum schriibe.. Ah ja, ich los jetz fasch uusschliesslich La Fuga. Für die wo das interessiert.
Also, ich gang go jogge, dasmal oni Omar. Besos a tots!!
Mensajes a personas importantes: kook & coni: danke für de film, ich bi so geehrt!!
Eben: when you get my letter, tell me what you think about my plans for us!
Lynn: Sorry, it's only 16 pages...
Cele: ja, dasmal wirsch erwähnt=) Schick mer por favor das rezept! Und chum wider emal uf msn=)
Mittwoch, 26. März 2008
Fallas, Pascuas y otras cosas
Ich widme de iitrag de kayla, si isch de grund das de blog doch ab und zue aktualisiert wird:D
Aso. Ich ha sit einehalb wuche ferie. Letscht Wuche sind Fallas gsi, s grösste fest vo Valencia, das chamer sich vorstelle wi sächsilüüte eifach mit meh alkohol und füür. Und statt eim billige böögg werded meh als 200 karton-statue verbrennt. Und während de fallas-wuche wird jede tag am 14.00 i Valencia e "Mascletà" verastaltet, dh es werded e riisigi mängi frauefürz oder so öpis ähnlichs abgla. Ich bin immer no chli taub, aber isch sehr amüsant. Ich bin nur 3 mal gange, weld metro während fallas d priis verdopplet und so d touriste uusnützt.
Nacher sind Ostere gsi, ich bi mit de Familie is camping. Leider hets kei schoggi und kei eier gäh, was mich chli deprimiert het, defür sind d temperature zimli gstige (26 grad am mäntig mittag) und ich bi go bade (ich ha mich vercheltet, aber defür hani jetzt en bikini-abdruck:D ) . Jetz bini wider z Picassent, und warte druf das AFS mir endli seit öbich cha d familie wechsle oder nöd. Mer hoffts mal. Ich ha ja e neui gastfamiliegfunde, s fehlt nur no d zuestimmig vo afs. (Omar, t'estime molt!)
Also, ich sött wider ga. Vermisse ali wo mich au vermissed, und special thx to kayla wo mich ufem laufende bhaltet, to coni wel si mich mit anekdote underhaltet, to franca fürd understützig und to lynn für de regelmässig kontakt=)
Und de rest vo oi hani au gern=)
Aso. Ich ha sit einehalb wuche ferie. Letscht Wuche sind Fallas gsi, s grösste fest vo Valencia, das chamer sich vorstelle wi sächsilüüte eifach mit meh alkohol und füür. Und statt eim billige böögg werded meh als 200 karton-statue verbrennt. Und während de fallas-wuche wird jede tag am 14.00 i Valencia e "Mascletà" verastaltet, dh es werded e riisigi mängi frauefürz oder so öpis ähnlichs abgla. Ich bin immer no chli taub, aber isch sehr amüsant. Ich bin nur 3 mal gange, weld metro während fallas d priis verdopplet und so d touriste uusnützt.
Nacher sind Ostere gsi, ich bi mit de Familie is camping. Leider hets kei schoggi und kei eier gäh, was mich chli deprimiert het, defür sind d temperature zimli gstige (26 grad am mäntig mittag) und ich bi go bade (ich ha mich vercheltet, aber defür hani jetzt en bikini-abdruck:D ) . Jetz bini wider z Picassent, und warte druf das AFS mir endli seit öbich cha d familie wechsle oder nöd. Mer hoffts mal. Ich ha ja e neui gastfamiliegfunde, s fehlt nur no d zuestimmig vo afs. (Omar, t'estime molt!)
Also, ich sött wider ga. Vermisse ali wo mich au vermissed, und special thx to kayla wo mich ufem laufende bhaltet, to coni wel si mich mit anekdote underhaltet, to franca fürd understützig und to lynn für de regelmässig kontakt=)
Und de rest vo oi hani au gern=)
Freitag, 7. März 2008
Marzo
Hallo,
ja ich has gmerkt, mini blog-iiträg werded immer seltener... JEtz hemmer denn i einere wuche ferie, freu mi zimli...=) Letscht wuchenend bini z castellon xi mit andere uustuuschschüeler, as konzert vomne afs-freiwillige. Isch no luschtig xi... hehe. Susch passiert nöd so vil, morn gani mit de pili und de laura in uusgang, und hüt mit de pili und irere cousine go en welpe hole für iri tante. Jöö=)
Ja sorry, isch leider lächerlich churz de iitrag, aber ich mus wider ga. Besos!
ps: bitte kei brief und päckli meh schicke im moment, s git grad es paar problem. Freu mi über email=)
ja ich has gmerkt, mini blog-iiträg werded immer seltener... JEtz hemmer denn i einere wuche ferie, freu mi zimli...=) Letscht wuchenend bini z castellon xi mit andere uustuuschschüeler, as konzert vomne afs-freiwillige. Isch no luschtig xi... hehe. Susch passiert nöd so vil, morn gani mit de pili und de laura in uusgang, und hüt mit de pili und irere cousine go en welpe hole für iri tante. Jöö=)
Ja sorry, isch leider lächerlich churz de iitrag, aber ich mus wider ga. Besos!
ps: bitte kei brief und päckli meh schicke im moment, s git grad es paar problem. Freu mi über email=)
Dienstag, 12. Februar 2008
Crêpes und mis suschtige lebe...
Jaja, wider mal en iitrag demit ier ali wüssed dases mir guet gat. Hüt hemmer im franz crêpes gmacht, was mich und d pili (mini nachberin) inspiriert het, und drum gani morn zu ire go crêpes mache *froi*. Letschte samstig bini mit ire, de laura (au mini nachberin) und ere cousine vode pili in uusgang, was zimli lustig gsi isch. Da gat mer immer zersch zäme go esse, nacher go alk chaufe (jaja, öpis sehr fundamentals, obwohl ichs recht gruusig find mit 15 lüüt vonere fläsche ztrinke, aso machis lieber nöd) und nacher zumne kolleg wo en "parador" het, das heisst so öpis schopf-ähnlichs wo di jugendliche drin party mached... so öppe. Fasch ali kened öper wo das het. Und wen mer niemer kennt, isch mer uncool.
Den bini mit de Pili (=pilar) zu irere tante go schlafe, wo u lieb isch und mir di ganz telenovela erchlärt het wo grad gloffe isch. De pili iri familie isch u nett und zwinged mich immer, dopplet so vil z esse wi ich eigentlich möcht. Aber ich beklag mich ja nöd ^^. Mit de familie laufts ok, mini gastschwöschter wo 20 isch und bis jetzt studiert het isch wider hei züglet, ich üssere mini meinig dezue jetz nöd. Also, ich sött is gimnasio. Tünd schön kommentär schriibe!
ps ier hend ja ferie ide schwiiz... *niid* Schöni ferie a ali!
Den bini mit de Pili (=pilar) zu irere tante go schlafe, wo u lieb isch und mir di ganz telenovela erchlärt het wo grad gloffe isch. De pili iri familie isch u nett und zwinged mich immer, dopplet so vil z esse wi ich eigentlich möcht. Aber ich beklag mich ja nöd ^^. Mit de familie laufts ok, mini gastschwöschter wo 20 isch und bis jetzt studiert het isch wider hei züglet, ich üssere mini meinig dezue jetz nöd. Also, ich sött is gimnasio. Tünd schön kommentär schriibe!
ps ier hend ja ferie ide schwiiz... *niid* Schöni ferie a ali!
Dienstag, 29. Januar 2008
Mis spannende lebe
Ich ha grad chli i diverse blog umeglese, und ha gmerkt das mini iiträg weder zu amüsant sind no aastädig lang (ja julia, du hesch mis ego zerstört mit dim sydney-iitrag) aber ich cha ja nüt defür wen mis lebe da hauptsächlich um schuel, esse, fernseh und schlafe gat!
Aber ich wird trotzdem versueche, mal chli z verzelle was da so passiert.
Ich ha jetz mit valenciano-kurs aagfange, wobii ich ja jetz weiss das valenciano catalán isch, obwohl das 70% vo allne valencianer bestriited. Mer haltet sich da druus, hani glernt. Uf jedefall hanis chli schwer wel de kurs sit em november lauft und si jetz aafanged mit vergangeheite, und ich cha no nüüt! Ich verstah zwar zimli ales und repetier halt sätz woni 10 mal am tag ghöre, aber vo grammatik tscheggi nüt. Aber ich fänds scho recht cool zruggzcho und valenciano zrede.
Denn het sich de spiess chli gkehrt mit de kollege, vorher hani mi immer selber müse iilade und umestresse bisi mal endli usem huus ha chöne, und di letscht wuche bini jede tag nach de schuel bis zum znacht vo huus zu huus gstresst zum mini homies treffe. Mini Gasteltere hend froid, si hend eh s gfühl das wen mer vorem morge am 3 heichunt het mer kei kollege und isch en Loser. Ich gnüsses, weni den wider ide CH bin gits wider regle;).
De Samstig bini mit mine AFS-lüüt z Elche xi, e wunderschöni stadt z alicante mit extrem vil palme. Mir hends immer voll lustig zäme (gäll nöri^^) und ich froi mi scho uf di nächst reunion im februar.
Am mittwuch (aso morn... hui, ich ha ja morn physikprüefig!) wird mini gastmueter am hals operiert, das heisst d stimmig da dihei isch ener aagspannt. Mini Gastmueter verarbeitet iri nerviosität indem si putzt, das heisst es schmöckt recht starch nach cillit bang, und us de chuchi chunt ab und zue en hilferuef ad mueter gottes. D mueter gottes isch eh zimli beliebt da. Ich han übrigens en rosechranz übercho vo mim gastgrossmami, wel si usegfunde het das ich nöd tauft bin, si het gfunde vilicht halti er de tüüfel vo mir fern.
Das Wuchenend gang ich uf Castellón bi de Teresa (e spanischi fründin) go übernachte. Froi mi scho!
Nächst wuche passiert glaub nöd vil, den chani mi wider chli em gimnasio widme. Ich ha erstuunlicherwiis nach de 12tägige wienachtsfresserei ken überdimensionale bierbuuch übercho wo walter heisst. Irgendwie schad, ich ha mir scho uusgmalt gha winich em walter valencia zeig. Okay, mer merkt dasich da chli z wenig schlafe und drum komisch wird. Wi joghurt wenmers nöd in chüelschrank tuet!
Also, ich glaub de iitrag isch gnueg lang dasi mich nüm inadäquat fühle (isch das es wort?). Schöns tägli no!
Aber ich wird trotzdem versueche, mal chli z verzelle was da so passiert.
Ich ha jetz mit valenciano-kurs aagfange, wobii ich ja jetz weiss das valenciano catalán isch, obwohl das 70% vo allne valencianer bestriited. Mer haltet sich da druus, hani glernt. Uf jedefall hanis chli schwer wel de kurs sit em november lauft und si jetz aafanged mit vergangeheite, und ich cha no nüüt! Ich verstah zwar zimli ales und repetier halt sätz woni 10 mal am tag ghöre, aber vo grammatik tscheggi nüt. Aber ich fänds scho recht cool zruggzcho und valenciano zrede.
Denn het sich de spiess chli gkehrt mit de kollege, vorher hani mi immer selber müse iilade und umestresse bisi mal endli usem huus ha chöne, und di letscht wuche bini jede tag nach de schuel bis zum znacht vo huus zu huus gstresst zum mini homies treffe. Mini Gasteltere hend froid, si hend eh s gfühl das wen mer vorem morge am 3 heichunt het mer kei kollege und isch en Loser. Ich gnüsses, weni den wider ide CH bin gits wider regle;).
De Samstig bini mit mine AFS-lüüt z Elche xi, e wunderschöni stadt z alicante mit extrem vil palme. Mir hends immer voll lustig zäme (gäll nöri^^) und ich froi mi scho uf di nächst reunion im februar.
Am mittwuch (aso morn... hui, ich ha ja morn physikprüefig!) wird mini gastmueter am hals operiert, das heisst d stimmig da dihei isch ener aagspannt. Mini Gastmueter verarbeitet iri nerviosität indem si putzt, das heisst es schmöckt recht starch nach cillit bang, und us de chuchi chunt ab und zue en hilferuef ad mueter gottes. D mueter gottes isch eh zimli beliebt da. Ich han übrigens en rosechranz übercho vo mim gastgrossmami, wel si usegfunde het das ich nöd tauft bin, si het gfunde vilicht halti er de tüüfel vo mir fern.
Das Wuchenend gang ich uf Castellón bi de Teresa (e spanischi fründin) go übernachte. Froi mi scho!
Nächst wuche passiert glaub nöd vil, den chani mi wider chli em gimnasio widme. Ich ha erstuunlicherwiis nach de 12tägige wienachtsfresserei ken überdimensionale bierbuuch übercho wo walter heisst. Irgendwie schad, ich ha mir scho uusgmalt gha winich em walter valencia zeig. Okay, mer merkt dasich da chli z wenig schlafe und drum komisch wird. Wi joghurt wenmers nöd in chüelschrank tuet!
Also, ich glaub de iitrag isch gnueg lang dasi mich nüm inadäquat fühle (isch das es wort?). Schöns tägli no!
Samstag, 19. Januar 2008
Semana Blanca
Liebi lüüt wo min blog lesed wens mal nüt bessers ztue hend,
ich bi gester vode schiwuche heicho. D Schiwuche isch zimli lustig xi, en chliine 12jährige het sich de oberschenkelchnoche broche und het müse mitem heli uf barcelona iigfloge werde, 4 hend sich öpis verstuucht, de eint het d wuche miteme vergipsete fuess ide Cafeteria verbracht (er hets aber verdient, er het dusse umegspoizt und isch den uf sim spuder, wo underdesse gfrore isch uusgschlipft.. ok, so gats grücht ) und eini het e reizendi halskrause übercho. Ich glaub vo dene 30 wo gange sind isch ungefähr d helfti heil zruggcho.
Jetz musi denn wider id schuel... Tja.
A ali wo no uf turrón, etc. wartet: Es chunt! Ich ha oi nöd vergesse!
Merci für all die brief woni übercho han, ich schriib sicher bald zrugg!
<3 malin
ich bi gester vode schiwuche heicho. D Schiwuche isch zimli lustig xi, en chliine 12jährige het sich de oberschenkelchnoche broche und het müse mitem heli uf barcelona iigfloge werde, 4 hend sich öpis verstuucht, de eint het d wuche miteme vergipsete fuess ide Cafeteria verbracht (er hets aber verdient, er het dusse umegspoizt und isch den uf sim spuder, wo underdesse gfrore isch uusgschlipft.. ok, so gats grücht ) und eini het e reizendi halskrause übercho. Ich glaub vo dene 30 wo gange sind isch ungefähr d helfti heil zruggcho.
Jetz musi denn wider id schuel... Tja.
A ali wo no uf turrón, etc. wartet: Es chunt! Ich ha oi nöd vergesse!
Merci für all die brief woni übercho han, ich schriib sicher bald zrugg!
<3 malin
Abonnieren
Posts (Atom)